HIERMEE wil ek graag a/o CP Pietersen en konstabel Ngomana uit my hart bedank vir hul puik diens op 8 Oktober.
A/o Pietersen het patrolleerwerk gedoen en gesien dat ons garagedeur oopstaan. Met verdere navrae het hy waargeneem dat niemand tuis was nie.
Hy het moeite gedoen om uit te vind wie daar woon en konstabel Ngomana daar gelaat om ons woning op te pas. Hy het na my werk gery om my in te lig en gevra dat ek huis toe kom om seker te maak alles is in orde.
Toe ek daar kom, was hy reeds daar en hulle het saam met my elke vertrek deurgegaan. Ek was so in my skik oor sy besorgdheid en ek kon sien hierdie man neem sy werk ernstig op en dat hy trots is op sy werk.
Ons hoor altyd net die negatiewe dinge van die polisie, maar hier het ek nou bewys dat hul omgee en trots is op hul werk.
Mathilda Terblanche
