EK is ook ’n gereelde Cultivariafeesganger, maar stem heelhartig saam dat dit vanjaar dood was.
Ek het verlede jaar heerlik in die vierkant gesit, lekker beskut teen die wind en omring met verskeie stalletjies. Hierdie jaar het ’n klompie tafels en stoele buite die tent gestaan, heeltemal verlore. Die stalletjies in die tent was ook maar yl.
Dit is jammer dat die feesdirekteur sê die feesgangers moet na die restaurante toe gaan. Ek wil graag tussen vertonings my skoene uitskop en ietsie eet en drink en nie styf in ’n restaurant gaan sit nie. Dit is tog ’n fees.
Waar is ons plaaslike talent om die feesgangers in die tent te vermaak?
Teleurgesteld
