EK wil graag die Paarlse Polisie hartlik bedank vir hulle vinnige optrede vanoggend toe my buurvrou twee mans in my agtertuin in Huguenot opgemerk het.
Sy het dadelik werk daarvan gemaak om my by die werk te laat weet en ek het die polisie geskakel. Die polisie het onmiddellik gereageer en ’n gepoogde inbraak verhoed, volgens die vriende wat omtrent gelyk daar aangekom het.
Sterkte aan polisielede wat jul lewens daagliks op die spel plaas vir ons, die publiek, om ons veilig te hou. Dit word baie waardeer.
Dis mense soos my buurvrou wat die polisie se werk makliker maak en woonbuurte weer veilig maak vir ons kinders.
J & S Samuels
