EK het onlangs ’n baie erg verwaarloosde hond gerapporteer aan die Munisipaliteit se wetstoepassingafdeling. Ek het gehoop hy is opgetel en versorg of wat ook al.
Op 27 Oktober, twee weke later, sien ek toe weer die hond en probeer dieselfde munisipale afdeling.
Baie dankie mev Jochem dat my versoek nie op dowe ore geval het nie, en dat mnre Lindt en Mrali toe spoedig die hond opgelaai het en DBV toe geneem het.
Mev Theunissen het my geskakel om dit te bevestig. Hierdie is darem weer ’n kompliment vir julle goeie werk.
S Schoeman
