Oefenkamp vir atlete
2010-11-04
DIE Maties Somer-atletiekkamp vir 2010 wat van 8 tot 11 Desember by Coetzenburg op Stellenbosch aangebied word, is ’n opleidingsgeleentheid vir ontwikkelings- en gevorderde atlete. Daar word veral aandag gegee aan naellope (wegspring, reaksie en plofkrag), hekkies (wegspring, naelloop- tegniek, vlug en landing), ver- en driesprong (spoed, aftrap, vlug en landing), hoogspring (aanloop, plofkrag en ruimtelike bewussyn), paalspring (greep, aanloop, plant en vlug), werpnommers (beginposisie, tempo, plofkrag en aflewering) en middel- en langafstande (spoed, krag en taktiek). Atlete tussen 12 en 18 jaar oud kan aan dié oefenkamp deelneem. Dit is vir beginners asook vir dié wat al ’n geruime tyd aan atletiek deelneem. Die sluitingsdatum vir registrasie is 20 November. Vir meer besonderhede, kontak die organiseerders by tel 021-808-4684, faks 021-887-5424 of e-pos bms@sun.ac.za.
More
News
|
