Paarl Medi-Clinic Noodsentrum
2010-11-18
PRIVATE mediese praktisyns van die Paarl, Wellington en Franschhoek is sedert 1 November in beheer van die Paarl Medi-Clinic 24-uur Noodsentrum. Die nuwe bemanningsmodel verseker die beskikbaarheid van ervare, bekwame en meestal plaaslik bekende algemene praktisyns. Die hospitaal moes tot onlangs swaar steun op die diens van locum dokters wat oor die algemeen van buite die omgewing was. Paarl Medi-Clinic bly steeds verantwoordelik vir die voorsiening en bestuur van die fasiliteit, toerusting en verpleegpersoneel, terwyl die dokterspraktykgedeelte deur private praktisyns bestuur sal word. Daar sal dus voortgegaan word met die huidige stelsel waarvolgens twee rekeninge van noodsentrum-pasiënte gehef word: ‘n rekening deur die hospitaal vir die gebruik van die fasiliteit, en ’n aparte rekening vir die konsultasie.
More
News
|
