DIE Departement Landbou in die Wes-Kaap stel fondse beskikbaar vir plaaswerkersontwikkeling. Projekte moet bydra tot algemene sosiale opheffing van die landbougemeenskap.
Altesame 10% van die projekbegroting moet alkohol- en dwelmmisbruik aanspreek. Voorkeur sal gegee word aan projekte waar die begunstigdes vroue, die jeug, gestremdes, en werklose plaaswerkers is.
Projekaanbieders moet ’n geskikte wettige entiteit wees.
Aansoekvorms is beskikbaar by die Departement van Landbou se distrikskantoor in die Shoprite-gebou in Kerkstraat Wellington of besoek www.elsenburg.com. Vir navrae, kontak 021-873-0241/1135.
