EK wil graag langs hierdie weg my en my eggenote se dank en waardering uitspreek teenoor Michael en Liesl Wilmot wat ons tot hulp gekom het toe ons onlangs met ’n behoorlik volgelaaide stasiewa op pad na ’n vakansieplek onverwags ’n pap wiel opgedoen het in Hoofstraat, Paarl.
Terwyl Michael ’n domkrag êrens gaan haal het, self die wiel afgehaal en sy werknemer gestuur het om dit te laat regmaak, het Liesl ons in hul restaurant op koffie getrakteer en geselskap gehou.
Met sulke vriendelikheid en hulpvaardigheid skep mens sommer moed vir die toekoms!
