EK was onlangs geskok om twee jong katjies vreesbevange in ’n parkie in Courtrai, Paarl, aan te tref.
Dikwels sien mens verwaarloosde diere in die strate dwaal. Hoekom hou mense huisdiere aan as hulle nie vir hulle omgee nie?
As jy nie meer kans sien om jou troeteldiere of onwelkome klein hondjies of katjies te versorg nie, bel asseblief die Dierebeskermingsvereniging, hulle is daar om te help (Paarl 021-863-2720 of Wellington 021-873-1196). ’n Mens kan miskien ’n klein donasietjie los vir hulle.
Asseblief moenie onskuldige diere net aan hul eie lot oorlaat nie, veral nie in die Kersgety nie. Onthou hulle kan nie praat nie, maar hulle gee diereliefde onvoorwaardelik.
