Trek stewels aan
2011-01-27
Die parlementêre rugbyspan, met verskeie Drakensteiners in sy geledere, het onlangs ’n toer na Argentinië onderneem waar hulle twee toetswedstryde teen hul eweknie gespeel het.
Plaaslike spelers van Saron, Wellington en Paarl soos Douglas Scholtz, Andrew Hendricks, Arthur Solomons, Peter Wellman en Uegene Stevenswas was deel van die toergroep.
Die eerste toets teen Cuba Club is gespeel in nat weer met die SA span wat geseëvier het met 15-5. Puntemakers was U Stevens, A Hendricks en I Mundell.
Die tweede toets was meer kompeterend met ’n huidige Poema-senter in die span en die wedstryd was in warm weer gespeel. Die spanne het gelykop gespeel met 10 punte elk. Puntemakers vir SA was R Faviers en P Wellman.
More
News
|
