DIE Agri Wes-Kaap/Santam Landbou Provinsiale Jongboer van die Jaar-kompetisie skop hierdie jaar reeds vroeg af en jong manne en vroue word uitgedaag om in te skryf en die kans te staan om ’n lekker kontantprys te wen. Finaliste (onder 35 jaar) wat deurdring na die nasionale kompetisie staan ’n kans om ’n splinternuwe Toyota-bakkie te wen!
Die kompetisie bied meer as net lekker pryse.
’n Groot deel van die beoordelingskriteria hou verband met die bestuursfilosofie van die boer sowel as die tegniese vaardighede waarmee daardie filosofie in die praktyk toegepas word.
Daar word ook sterk gefokus op die vernuf van die jong boer en die entrepreneurskap waarmee jong boere hul boerderybesighede verbeter.
As jy kans sien vir hierdie uitdaging, skryf gerus in en ervaar self hoe jou perspektiewe ten opsigte van jou boerdery dramaties verander.
Inskrywings sluit 17 Februarie. Die Wes-Kaapse Jong Boer van die Jaar wenner word op 25 Mei tydens ’n spoggeleentheid op Stellenbosch bekend gemaak.
Vir inskrywingsvorms en verdere navrae, kontak gerus vir Leilani le Roux by tel 021-860-3804 of epos Leilani@awk.co.za.
