DIE Toringkerk in die Paarl, is voortaan Woensdae vanaf 11:30 tot 13:30 oop vir besoekers, wat in ’n gewyde atmosfeer tot rus wil kom.
In die verlede was die kerk ook by tye op weeksdae oop, maar dit was hoofsaaklik toeriste wat van dié reëling gebruik gemaak het.
Hoewel die toeriste steeds welkom is om die kerk te kom besigtig, is dit die Toringkerk se droom om hiermee eerder die Paarliete in die middedorp te dien.
“Ons kerk staan in die hart van die dorp en ons wil graag ’n kerk wees met ’n hart vir die mense van die dorp,” het ds Jaco Thom, een van Toringkerk se leraars, die rede agter die oop deure verduidelik.
