Man ondervra na moord
2005-10-13
MOONTLIKE verdagte is lank ondervra ná die verkragting en moord verlede naweek van ’n tiener van Greenfields, Daljosafat.
Inligting van die publiek oor ’n man wat na die voorval met bebloede klere opgemerk is, het die Paarl-Oos speurders na hom gelei.
Die man, ’n 45-jarige inwoner van die Greenfields omgewing, is egter nie met die voorval verbind nie en hy is nie aangekla nie. DNA-toetsing word gedoen.
Jolene Pietersen het voorverlede Saterdagaand haar ouerhuis saam met twee vriendinne verlaat en nooit teruggekeer nie.
Die meisies het later vertel dat hulle haar in die loop van die aand vermis het. Haar halfnaakte liggaam is vroeg die Sondagoggend in lang gras sowat 200m van haar woning in lang gras ontdek.
Die polisie is daarna oorval met talle oproepe oor moontlike verdagtes, mans wat die nag nie tuis geslaap het nie, of wat met wat soos bloed aan hul klere lyk, tuis gekom het.
More
News
|
