Drakenstein Edu aan die verloorkant
2011-03-03
DIE eerste krieketspan van Drakenstein Edu het Sondag op Worcester met 140 lopies teen Worcester-United verloor. Die tuisspan het eerste gekolf en 261 lopies in sy 45 beurte aangeteken. Wayne Jacobs, 4/32, Juliano Philander, 3/33 en Cheslin de Villiers, 2/49 was die staatmakers met die bal. In sy kolfbeurt het Drakenstein maar gesukkel en kon slegs 121 lopies op die telbord plaas met Gerswin Philander, 26, en Jacobs, 20, die beste kolwers. Die tweedes het sy Pro20-wedstryd teen Stellenbosch/Distrikte II met 3 paaltjies gewen. Die Stellenbossers het eerste gekolf en is danksy goeie boulwerk deur Leeshayne Samson, 3/14 en Alfonso Mosenthal, 2/6, tot 110/8 in hul 20 beurte beperk. Drakenstein het die nodige lopies in die laaste beurt behaal met Dean Jacobs, 47*, die beste kolwer. Saterdag speel die eerste span tuis teen Darling, terwyl die tweede span weg teen Excelsior II en Sondag ook weg teen Easterns II kragte meet
More
News
|
