Dankie vir flink diens
2011-03-03
EK is die afgetrede dame van Groenleegte waaroor Paarl Post verlede week berig het, wie se bankkaart by ’n OTM in Noorder-Paarl deur diewe gekloon is, en daardie nag van R11 900 beroof is.
Graag wil ek vir Absa baie dankie sê vir hulle flink diens wat die saak so gou opgelos het. Elke sent is binne agt dae aan my terugbetaal.
In die besonder wil ek graag vir Tanya van Eyk van Absa Hoofstraat, Paarl, baie dankie sê vir haar vriendelike en professionele hulp.
Met sulke diens is dit lekker om na bykans 35 jaar steeds ’n kliënt van Absa te wees. Ek hoop die berig gaan ander kliënte waarsku om meer versigtig te wees.
Tevrede kliënt
More
News
|
