Eerste huis by Dukes voltooi
2005-10-13
DIE eerste stel sleutels is verlede week oorhandig aan trotse nuwe huiseienaars by Dukes Estate in Wellington.
As die eerste om die sleutels van ’n splinternuwe huis te ontvang, het Daan Louw van Wellington gesê Dukes Estate is ’n elegante ontwikkeling en ’n bate wat sal help om die ekonomie van die dorp te stimuleer.
Sy sentiment jeens Dukes Estate is deur Gillian de Villiers van die Paarl weerspieël wat ook ’n huis in Dukes Estate gekoop het.
Die Dukes Estate-ontwikkeling van R50 miljoen is Kingfisher Homes se eerste ontwikkeling in Suid-Afrika.
Al die huise in Dukes Estate is reeds verkoop met herverkope wat reeds plaasgevind het.
Volgens Mike Ryan, stigter en besturende direkteur van Kingfisher Homes, sal ’n program vir die suksesvolle voltooiing van Dukes Estate nou oor die volgende ses maande volg.
Dit sal die oorhandiging van die Dukes Estate Huiseienaarsvereniging aan inwoners insluit.
More
News
|
