DIE Wellingtonse Verfraaiingskomitee in samewerking met Drakenstein Munisipaliteit beoog om al Wellington se ingange mettertyd te verfraai.
Jy kan help om Wellington se ingange meer verwelkomend te maak met jou ontwerpvoorstel.
Daar moet ’n deurlopende tema wees wat die aard en karakter van die dorp en omgewing weerspieël. Dit moet sigbaar en opvallend wees en ’n impak maak. Daarby moet dit weer- en diefstalbestand wees. Dit moet ’n permanente struktuur met die nodige landskappering daaromheen wees om ’n eenheid te vorm.
Belangstellendes kan hul voorstelle/sketse stuur aan wieps@ vodamail.co.za.
Marita van Tonder (voorsitter)
