Nog fietsaksie in die Paarl
2011-03-10
Vandag word die derde skof van die Tour de Boland weer vanuit die Paarl aangebied en môre word twee sirkelroetes in Paarl-Suid aangebied.
Hoofstraat sal Vrydagoggend vanaf 08:00 tussen Rose- en Concordiastrate gesluit wees. Verkeer sal ook by die Bergrivier Boulevard/Hoofstraat-verkeerslig gereguleer word asook by die Haarlemstraat-aansluiting by die Bergrivier Boulevard.
Die lang roete (5 keer) begin by De Oude Paarl Hotel, volg die Jan Phillips-bergpad, en keer via Pieter Hugostraat terug na Hoofstraat, deur Allemanstraat, Roodebergstraat en Ceciliastraat tot in Bergrivier Boulevard en via Haarlemstraat weer terug tot in Hoofstraat.
Die korter roete (20 keer) volg Hoofstraat (suidelike rigting), links in Bergrivier Boulevard, links in Haarlemstraat en weer terug tot in Hoofstraat.
More
News
|
