Derde trofee in die kas
2011-03-17
DIE manne van Vineyards het die derde trofee in hul kas nadat hulle onlangs die Young Gardens Sewes- rugbytoernooi gewen het. Hulle het onder andere vir Paarl-klub, Windmeul, River-stones, Young Standards en Gardens pak slae gegee. Die grootste oorwinning was in hul openingswedstryd teen Paarl waar die manne in maroen met 47-5 gewen het. Robin Petersen is as speler van die toernooi gekroon en het ook die meeste drieë aangeteken. Vineyards, die huidige Paarl-streek en uitklopkampioen, speel dié Saterdag teen Goodwood (weg) vóór hul eerste liga-wedstryd. Verlede naweek het hulle teen Worcester Hamiltons op die CPUT-velde in Wellington kragte gemeet. Hulle oefen Dinsdae en Donderdae om 18:30 by Daljosafat-stadion.
More
News
|
