EEN van die Paarl se mooiste en spoggerigste plase, Vredenhof, kom volgende week weer onder die hamer. Vredenhof, aan die hange van Paarlberg in Paarl-Noord, maak deel uit van ’n likwidasie-veiling van ’n bekende boer, Freddie Kirsten. Die plaas het verlede jaar ook onder die hamer gekom, maar slegs ’n skamele R8 miljoen is daarvoor aangebied, terwyl daar bespiegel word dat die plaas minstens R30 miljoen werd is.
