Jong man verkool in sy huis
2011-04-07
'n JONG man het verlede week sy lewe verloor in nog ’n brand in Chicago. Die voorval het Saterdagaand plaasgevind toe ’n informele woning in Paarlitapark vlam gevat het. Die aand het Marshall Hendriks (27) en ’n vriendin stry gekry, waarna die vriendin die woning verlaat het. Kort hierna was die woning in ligte laaie. Gerugte dat Hendriks deur sy vriendin van buite toegesluit is, kon nie deur die polisie bevestig word nie. Hendriks se verkoolde liggaam is op die vloer van die woning gevind. Sy bedroefde pa, Desmond Siegelaar, het gesê dat sy seun se dood ’n geweldige skok vir hom is. “Hy was ’n harde werker en goeie kind, en het nie verdien om so te sterf nie.” Die polisie stel verder ondersoek in. Hendriks het by Game gewerk. * A young Paarl man died in a shack fire on Saturday night.
More
News
|
