AAN al die personeel by Paarl Hospitaal wat op 2 April aan diens was: graag wil ek u bedank vir die vinnige, vriendelike en bekwame diens wat u aan my gesin gelewer het.
Duidelik kan ’n mens sien dat julle meer as net jul professionele dienste lewer en alle mense met respek hanteer.
Ek wil veral sr Tina Hendricks bedank, wat ons so innig bygestaan het met my seun se ongelukkige voorval. U is ’n sonstraal wat die hele hospitaal selfs in beswarende omstandighede ophelder. Mag die Here u seën en versterk om meer gesinne by te staan in hul uur van nood. Nogmaals dankie.
Tevrede pasiënt
