Paarl roeiers presteer in snelroei
2011-04-14
VERSKEIE van die Paarl Kanoklub se roeiers het onlangs tydens die WP-snelroeikampioenskappe wat in die Paarl aangebied is, hulle goed van hulle taak gekwyt. In die o.18 mans-afdeling het Luke Stowman algeheel in die eerste plek geëindig met Michael Farringer (tans o.16) in die tweede plek. Danie Buys (ook o.16) was algeheel in die derde plek. In die o.21 mans-afdeling het Joseph Williams algeheel eerste geëindig met Emile Minnaar in die tweede plek. Veteraan Herbert Conradie was in sy afdeling algeheel eerste en in die meesters-afdeling was roeiers Francois du Toit (3de algeheel) en Francis Steyn (4de algeheel) die presteerders. In die submeesters-afdeling het Johan Smit in die 1000m en 500m tweede plekke behaal en in die 200m ’n eerste plek. In die Sub-grootmeestersafdeling was Eric Farringer algeheel derde en Giel van Deventer (groot meesters) 2de algeheel. In die 1000m snelroei vir senior mans het Heinrich Schloms ’n derde plek verower. In die o.18 dames-afdeling in die 1000m, 500m en 200m snelritte het She-Earl de Wee derde plekke en Jo-Ann Minnaar vierde plekke behaal.
More
News
|
