Polisieman vas oor diefstal
2011-04-21
’n GESIENE polisieman is onlangs in hegtenis geneem weens diefstal. A/o Leon Jacobs, speurhoof van Groot Drakenstein polisiestasie, word daarvan beskuldig dat hy R27 000 gesteel het wat aan ’n verdagte behoort het. Die polisie se provinsiale polisiewoordvoerder, kol Billy Jones, het bevestig dat Jacobs in hegtenis geneem is. “Die saak word krimineel en departementeel ondersoek.” Hy verskyn weer op 9 Mei in die hof. Volgens ingeligtes is die R27 000 wat Jacobs glo geneem het, in besit van ’n vermeende dwelmsmous, Colin Warner van Kylemore, gevind. Dit is toe verseël en vir forensiese ontleding weggestuur om te bepaal of die geld met dwelms in aanraking gekom het, maar die kontant is na bewering deur Jacobs onderskep.
More
News
|
