DIE Hoër Jongenskool Paarl bied vanaf 9 tot 13 Mei ’n Kultuurweek aan.
Die gala-aand neem die vorm aan van ’n koorfees op 12 Mei om 19:00. Kore van tien skole van die omgewing deel daardie aand die verhoog met die HJS vokale ensemble. C2C, tree ook op en die aand word afgesluit met ’n massa-item deur ongeveer 450 koorlede. Kaartjies vir dié geleentheid is R50.
Die week skop af op Maandag 9 Mei met ’n Musiek- en Drama-aand (19:00). Kaartjies is R30.
Op 11 Mei om 15:00 kom gesels Mart-Marie Schoeman, besigheidskonsultant in Musiek en skrywer oor die uitdagings en moontlikhede van ’n beroep in die musiekwêreld. Kaartjies is R30. Kaartjies is beskikbaar by die skool (021 872 2875).
