OP uitnodiging van Paarl Hospitaal se bestuur onder leiding van dr B Kruger, het ’n aantal Paarlse algemene praktisyns die hospitaal besoek, ’n inligtingsbyeenkoms meegemaak en ’n besigtigingstoer geneem.
Die nuwe fasiliteite met nagenoeg 280 ekstra beddens, nuwe noodeenheid, nuwe lesinglokaal en biblioteek was indrukwekkend.
Die ondersteuningsdienste soos kombuis se grootskaalse voedselvoorbereiding, kragopwekkers, laboratorium en radiologie-afdelings is beskikbaar. Ek het die indruk gekry dat die hospitaal onder goeie bestuur is met dissipline, behandelingsprotokolle en orde, gerugsteun deur akademiese beginsels.
Personeel het weekliks onderrigsessies en geleenthede vir uitbreiding van kennis is geskep. Baie geluk aan die hospitaal se bestuur en personeel.
Dr W van Zyl
