DAAR is nog vandag en môre kans om die Bien Donné Agri Cape Week te besoek. Die expo fokus op die vrugte-, wyn-, en uitvoerbedrywe.
Die ekspo sluit in ’n uitstalling oor resultate van navorsing, demonstrasies, konferensies en werkswinkels, asook vermaak.
Agri Mega bied die skou aan in samewerking met die Landbounavorsingsraad.
Vandag is daar ’n landboujeugleierskonferensie, ’n Vinpro-werkswinkel en ’n beroepsveiligheidseminaar (15:00).
Vrydag is daar ’n kompetisie vir trekkerbestuurders en ’n landbou-arbeidskonferensie asook ’n program vir plaaswerkers.
’n Werkswinkel vir plaasvroue begin 12:30 en sluit ’n ligte middagete in. Die onderwerpe sluit in selfbeeld en persoonlike versorging.
Vir navrae, kontak Reinette Basson by 021-863-0701.
