KLEUTERS kan op Saterdag 7 Mei om 10:00 in die Paarl Stadsaal saam met Lollos van Lalaland kom sing en dans.
Dié keer kom maak ’n nuwe karakter, Disco, ook sy verskyning saam met Minki Burger, Alta Joubert en Lollos.
Dit sal die eerste keer wees dat die splinternuwe Lollos-vertoning, Boem Boem – ons gaan Groen in die Paarl opgevoer sal word. In die vertoning leer Lollos die maatjies om die aarde mooi op te pas op ’n prettige en danserige manier.
Koste is R40 en kaartjies is beskikbaar by deur. Kontak info@lollos.co.za.
