ONS as Pam Golding eiendomsagentskap verwelkom die opmerkings oor “te koop-bordjies” wat ons dorp ontsier en stem ten volle saam met die beriggewing wat geplaas is.
Ons merk self op dat die huidige regulasies wat betref die opsit en verwydering van “te koop-” en “op skou-borde” nie nagekom word deur alle agentskappe nie.
Die persone wat ontevrede is, is ook tog immers ons kopers en verkopers.
My voorstel is dat alle agentskappe hou by die reëls van spesifiek slegs een rigtingwyser per hoek en dat die rigtingwyser wel na ’n spesifieke eiendom wys en nie net opgesit word vir advertensie- of bemarkingsdoeleindes nie.
Ons meen ook dat borde in die Hoofstraat en die Bergrivier Boulevard slegs vanaf Vrydag tot Maandag aangebring word en dat slegs “op skou-” en “te koop-borde” toegelaat word.
Verder stel ek voor dat borde wat aandui dat ’n eien dom as verkoop aangedui word slegs op die eiendom aangebring word wat werklik verkoop is en ook net daar bly vir ’n spesifieke tydperk, byvoorbeeld ’n maand.
Pam Golding Eiendomme onderneem om hierby te hou.
Ek hoop ander agentskappe voel ook soos ons.
Surina du Toit (Pam Golding
Eiendomme)
