Kooltjie geblus
2011-06-15
DIE optrede van die polisie se blitspatrollie, wat diens op die N1 en in die Paarl-omgewing doen, het bygedra tot die arrestasie van twee Zimbabwiese burgers wat onwettige sigarette met ’n straatwaarde van R50 600 in hul besit gehad het. Verlede Saterdag om 08:00 het die polisie die verdagte voertuig in die Du Toitskloof-pas opgemerk en ondersoek ingestel. Kapt Louise du Plessis sê die polisie het beslag gelê op 200 000 sigarette wat in kartonhouers verpak was. Sy sê die nikotieninhoud oorskry die regulasies soos wat deur die Suid-Afrikaanse regering voorgeskryf is. Die verdagtes het Maandag in die Paarlse landdroshof verskyn.
More
News
|
