Gevaarlike sirkels
2011-06-15
EK ry op ’n gereelde basis deur die Paarl van suid na noord en andersom, deur ons sirkels. Daar gaan bykans geen keer verby dat daar nie amper ’n ongeluk in een van die sirkels plaasvind nie. Dit wil my voorkom of die bestuurders nie die bestaande aanwysingbordjies kan verstaan nie. Almal wil die linkerbaan gebruik om in die sirkel in te gaan, en dan wil party tot sover as driekwart om die sirkel ry in dieselfde baan voordat hulle uitdraai. Behoed jou as jy dit durf waag om vir hulle te toet of kop te skud, want dan vlieg die hand- en vingertekens en vloekwoorde die wêreld vol. Die hele idee is jy moet in die binnebaan bly en beweeg slegs na die buitebaan ’n (hele) ent voordat jy wil links draai. En gebruik jou flikkerlig! Gefrustreerde sirkelgebruiker
More
News
|
