EK sien daar is heelwat klagtes oor die Boubeheer-afdeling van Drakenstein Munisipaliteit.
Dit is vir my duidelik dat daar heelwat onkunde is by inwoners van Drakenstein oor die goedkeuringsproses van bouplanne.
Bouplanne word ingedien by die Boubeheer-afdeling, wat die aansoek sirkuleer na die verskillende departement vir kommentaar: dit sluit in stadsbeplanning, ingenieurs, gesondheid, elektries, brandweer en boubeheer self.
Dit vat tyd, so enigeen mos kan dink.
Sodra al die kommentaar verkry is, stel Boubeheer die kommentaar saam.
Bou-inspekteurs keur nie bouplanne goed nie. Hulle funksie behels onder andere inspeksies en hantering van bouverwante klagtes.
Waar bouplanne lank neem om goedgekeur te word, moet daar beslis gekyk word na die feit dat daar ’n personeeltekort is en moontlik ook beperkte kundigheid.
Dalk is dit waar die stadsraad moet begin.
Bouplan-tekenaar
