Rondebosch frommel Boishaai op
2005-10-20
DIE eerste krieketspan van Hoër Jongenskool Paarl moes Saterdag die knie buig voor Rondebosch.
Die Kapenaars het die Paarliete tot 186 beperk, met Tennyson Botes (86) en Braam Visser (40nun) wat goed kolf.
Calvern Tong (2/54) was HJS se beste bouler.
Rondebosch haal die teiken, met ses paaltjies in die bank.
HJS se tweede span (157/6) het meer sukses gehad en hul wedstryd teen Rondebosch (156) met vier paaltjies gewen.
Herschell Baron (5/33) en William Garwood (51) het albei mooi mylpale behaal, terwyl Wian Buys (32) ook goed gekolf het.
HJS se o.15A-span het teen ’n geweldige kolfaanval vasgeval toe Rondebosch 193 aangeteken het.
Die Paarliete kon slegs met 85 antwoord, met Storm Dukas (3/18) en André Burger (36) die enigste uitblinkers.
More
News
|
