OP Saterdag 9 Julie om 20:00 tree Hilandi du Toit en Conf8 by die Ou Meul-teater op.
Hulle oortref elke gehoor se verwagting met hul vars benadering tot die gewaarborgde resep van sukses. Sanger en liedjieskrywer Hilandi is bekend vir haar passievolle vertonings.
Conf8 bestaan uit André Jansen van Vuuren (trekklavier), Wiehahn van Tonder (elektriese kitaar), Oslin Jacobs (baskitaar) en JP Crouch (tromme).
Dié vertoning bestaan hoofsaaklik uit liedjies uit Hilandi se pen. ’n Voorvertoning word aangebied deur Wihan Stemmet. Kaartjies is R75 by Vicky Stemmet by 083 564 0056.
