HIERMEE wil ek my stem laat hoor teenoor onverantwoordelike motoriste soos dié een wat direk verantwoordelik is vir die dood van twee jong Paarliete op Dutoitskloofpas.
My vrou word kwaad vir my wanneer ek vir ’n aankomende motoris wat nie hoofligte domp nie, flikker en probeer wys dat sy voertuig se ligte my verblind.
Nou is die nuwe ding dat ligte ook deur die dag aan is, en ook op “bright”! Motoriste, jou voertuig se ligte is selfs deur die dag verblindend as jy dit nie domp nie.
Doen die toets deur in daglig direk in die “bright” ligte van jou voertuig te kyk.
Motoriste, wees asseblief verantwoordelik. ’n Bewegende voertuig neem lewens.
Nico Mettler
