AS een van die meer as 2000 motoriste wat bedags die Paarl uitry aan die suidekant, hoef ek nou nie meer soos ’n dronkie heen en weer te slinger met my motor om die mangat-deksels te vermy nie.
Op aandrang van Loekie Niehaus het die Munisipaliteit toe nou uiteindelik die deksels gelig.
Kan jy glo dat hulle een nie wou lig nie omdat dit ’n “poskantoor”-deksel is?
Wel Loekie het hom nie van stryk laat bring nie en die amptenare daarop gewys dat die toestand van die pad nog steeds die Munisipaliteit se verantwoordelikheid is en dat die probleem juis ontstaan het omdat die pad se teerlaag nou hoër is met die plasing van ’n nuwe oppervlakte.
Ek sien nou uit na verdere verbeterings aan ons paaie in alle wyke.
Deetlefs du Toit
LP (Kiesafdelingshoof)
