EK wil heelhartig saamstem met Anoniem in die brief “Red Radio KC”.
Ek dink die hele bestuur van Radio KC moet hul goed vat en verander, dan sal die stasie weer tot sy reg kom. Die ou aanbieders en ou programme moet weer terugkom.
Daar moet onthou word Radio KC is ’n gemeenskapstasie wat ons gemeente moet bedien.
Daar is dae wat daar geen aanbieders is nie, dan word daar vir drie ure net musiek gespeel. In sommige programme word dieselfde musiek omtrent elke week gespeel.
Die grootmense en veral die golden boys en girls, baie van hulle luister nou na ander radiostasies. Op hierdie manier daal die luisteraarstal, al wil die bestuur dit nie erken nie.
Raak ontslae van die hele bestuur en kom terug na die mense, dan sal die radiostasie weer sy volle rol in die gemeenskap speel. Ek sê behou die naam: Radio KC, die klanke wat vrede gee.
Casper Adams
