KOOP jou R10 Loslitdag-plakker en verkry gratis toegang tot die Loslitdagfees wat op 2 September in die Paarl gehou word, by die Drakenstein Sentrum vir Gestremdes (by Paarl School of Skills).
Dié pretdag sal gevul wees met kuns, plesier en vermaak. Alle persone met gestremdhede kom stal hul wonderlike talent uit om te spog met hul kunstigheid.
Daar is ook springkastele, heerlike kos en hope meer! Massiewe potte potjiekos word op die perseel voorberei en verkoop teen R30 per bord oor middagete.
Om 14:00 begin die modeparade van uitrustings uit hul tweedehandse klerewinkel. Vir navrae of om plakkers te koop of etekaartjies te bespreek, kontak Nakkie by 021 863 0446/7. Loslitdagplakkers is ook te koop by alle Absa-takke.
