Rugby-telbord
2011-09-08
RIVERSTONES SE VOORSPELERS BAAS Riverstones se voorspelers het ’n groot bydra gelewer in hul oorwinning van 29-27 teen Vineyards die afgelope naweek. Riverstones se driedrukkers was Nathaniel Manuel, Marlin Zwaan, Hein Pretorius en Morne Hefca. Gerswhin Paulse het met 3 doelskoppe en 1 strafskop geslaag. Vineyards se tweede span het met 21-3 gewen en die derde span met 20-7. Riverstones speel Saterdag teen Young Gardens en op 17 September bied hulle ’n oefenkamp aan. ) ALBIONS WEN Albions het Saterdag eers laat in die wedstryd vlamgevat en uiteindelik vir Allandale met 18-3 geklop. Lincoln Krieling (slot) is as speler van die wedstryd aangewys. Drieë is gedruk deur Marshall Fredericks (senter), wat ná ’n 40-meter lopie gaan druk het en Bathandwa Nduku (stut) ná goeie opvolgwerk. Carlyle Williams slaag met een doelskop en Curtly Davids met twee strafskoppe. Albions se tweede span wen 18-3 en hul derde span verloor met 3-52.
More
News
|
