Villagers verras Paternoster
2011-09-08
DIE eerste rugbyspan van Villagers Newton het Saterdag op hulle tuisveld vriend en vyand verras toe hulle die hoog aangeskrewe span van Paternoster met 17-12 geklop het. Die manne van die Weskus het aan die begin die krane behoorlik oopgedraai en eerste gaan punte aanteken met ’n verdoelde drie. Daarna het die tuisspan hulle reggeruk en ná volgehoue druk het Timothy Davids gaan druk. Veral Villagers se skakelpaar en flanke was ’n doring in Paternoster se vlees. Puntemakers was Davids (1 drie) en Riaan Solomons (1 drie). Solomons het ook met 2 doelskoppe en een strafdoel geslaag. Saterdag het die Wellingtonners ’n loslootjie waarna hulle op 17 September die top 12-veldtog teen Voorberg van Porterville voortsit.
More
News
|
