Tiere wen net-net
2005-11-03
DIT was so amper of Young Peoples is Saterdag in die graanlande van die Swartland begrawe.
Die Paarliete het egter volpunte verdien nadat hulle Malmesbury in ’n wegwedstryd met een paaltjie geklop het.
Peoples slaag daarin om die tuisspan tot slegs 106 lopies te beperk danksy vernietigende boulwerk deur Lester Opperman (4/19 in 14bb).
Hy is goed ondersteun deur Sean Andrews (3/36 in 15bb), Lorenzo Jacobs (2/26 in 12bb) en Gercian Gabriels (1/17 in 9bb).
Die besoekers se kolwers begin goed, maar toe val die wiele af.
Dit was egter die 17-jarige Warren George wat met sy bydrae van 34 lopies, wat vyf grenshoue ingesluit het, goed kop gehou het.
Met die telling op 98/9 was die Peoples-spelers aan die naels kou. ’n Hardnekkige kolfvertoning deur die ervare Sean Andrews (24nun 4x5) help egter die Paarliete tot ’n wentotaal van 107/9.
Peoples I speel Saterdag weg teen Hermanus en die tweede span speel Sondag teen Hermanus.
More
News
|
