Opname oor huise op plase
2005-11-24
DIE Drakenstein Munisipaliteit se Behuisingsafdeling, in samewerking met die Drakenstein HOP-kantoor, onderneem ’n opname om die behuisingsbehoefte in die landelike wyke te bepaal.
Aangesien die bevolking in die landelike gebied ongeveer 20% van die totale bevolking van Drakenstein uitmaak, is dit van uiterste belangrik dat die opname rakende die landelike behuisingsbehoefte uitgevoer word, om sodoende ordelike beplanning te verseker.
’n Reeks vergaderings word gereël vir plaaswerkers waartydens aansoekvorms ingevul kan word.
Grondeienaars is versoek om kennisgewings van die opname te versprei en vervoer vir werkers te verskaf na die vergaderplekke.
Vanaand is daar vergaderings by die VGK Hermon en Sandrivier Landgoed, Wellington. Maandagaand van 18:00 tot 12:00 kan mense Alfons Primêr en Berg-en-Dal Primêr besoek, en môreaand is dit Nieuwedrift Primêr en Simondium Primêr.
Woensdag is daar vergaderings by Ronwe Primêr en Daljosafat Primêr, en Donderdag 1 Desember by Sonop Primêr en Blouvlei Primêr.
Die laaste vergadering is Maandag 5 Desember by die EE de Waal-saal.
Die volgende dokumente word benodig: identiteitsdokument, nuutste inkomstebewys en geboortesertifikate van kinders onder 21.
Navrae by HOP-kantoor, 807-6219.
More
News
|
