Irish praat by krieketdinee
2005-03-31
DIE jaarlikse prysuitdeling van die Three Ships Whisky Wellington Krieketklub vind Woensdag plaas by die Bovlei Wynkelder buite Wellington, en begin om 19:00.
Tony Irish, sekretaris van die Suid-Afrikaanse Krieketspelersvereniging, is die spreker by die geleentheid. Hy sal die ooreenkomste tussen die semi-professionele krieketspeler in Suid-Afrika vergelyk met dié in Engeland en Australië.
Kaartjies is beskikbaar teen R40 by Marius Groenewald, tel 082-976-1379.
* Wellington speel hierdie naweek weg teen Hermanus in die semi-finaal van die Boland Krieketunie se 45-beurte-aan-’n-kant-toernooi.
Afrigter Basie Basson sal vol vertroue wees dat sy span hul wenmomentum sal kan volhou nadat hulle verlede naweek die Plaatafdeling van die Boland Premierliga gewen het.
More
News
|
