Haelgeweer in dam gevind
2005-03-31
’n HAELGEWEER is onlangs uit ’n Franschhoek plaasdam geduik, waar kinders die vuurwapen gegooi het ná ’n inbraak.
Die Franschhoek polisie het die Saterdagaand ’n oproep ontvang dat drie seuns by ’n plaashuis opgemerk is terwyl die eienaar met vakansie is.
Die polisie het op ammunisie en blikke bier in die tuin afgekom, en gesien dat van die huisvensters oop was.
Met inligting van die publiek is die seuns - 12, 13 en 14 jaar oud - in ’n leë woning op die plaas opgespoor.
By hulle was gesteelde windbukse en juweliersware uit die plaashuis.
Hulle het erken dat die haelgeweeer in die plaasdam gegooi is. Dit is die volgende dag deur ’n polisieduiker opgespoor.
More
News
|
