Motor tref vrou
2006-01-26
“EK het nog so lekker op ’n stoel voor die hekkie gesit, toe kom die motor om die draai gejaag,” vertel René Roman van die ongeluk die naweek waarin haar been beseer is.
Dit was omstreeks 18:00 Sondagmiddag en gelukkig was Kanariestraat in Amstelhof, Paarl, redelik leeg.
“Dit het gelyk asof die man beheer verloor oor die motor en dit het begin gly.
“Toe ek weer sien, toe lê ek doer anderkant,” onthou René.
Die motor het na bewering eers ’n deel van ’n houtheining getref, voordat Roman omgery is.
’n Ent verder in die straat af het ’n draadheining ook in die slag gebly.
Die motor staan op die oomblik by die Paarl-Oos polisiestasie. Die verdagte is glo van Mitchellsplein.
More
News
|
