Groot huisprojek op Wellington
2006-02-02
GRONDVERSKUIWING begin eersdaags by die nuutste ontwikkeling by die suidelike ingang na Wellington, Bordeaux, langs Piet Retiefstraat.
Die ontwikkeling is verlede week formeel bekend gestel deur Herman Bailey, burgemeester van Drakenstein. Meer as 100 wooneenhede is reeds verkoop.
Die ontwikkeling bestaan uit 210 woonstelle en 88 plot-en-plan huise in ‘n sekuriteitskompleks met toesluitmotorhuise.
Daar is twee damme ingesluit in meer as vyf hektaar oop ruimte, asook ‘n klubhuis met swembad, braaigeriewe en onthaalarea.
Die eerste wonings sal teen Maart volgende jaar voltooi wees.
Woonstelpryse begin by R450 000 vir die eenslaapkamer, die tweeslaapkamer by R642 100 en die drieslaapkamers by R725 000.
Plotpryse is vanaf R390 000 en voltooide huise (plot ingesluit) vanaf R725 000.
Die ontwikkelaar is Cavalier Developments, met die projekkoördinering deur Durare Property Investments.
* Wellington’s latest housing development gets off the ground.
More
News
|
