Glansmodes by Nederburg
2006-02-09
MOOI mense en sexy skeppings sal met die “Seldsame Suid-Afrikaanse Modevondse” tydens die wynveiling by Nederburg wynlandgoed in die Paarl te siene wees.
Op Sondag 9 April is die glansvertoning ten bate van liefdadigheid oop vir die publiek.
Een van die bekende ontwerpers wat deelneem Gert van de Merwe. Hy glo swart, grys, houtskool en selfs mahonie of kastaiing hoef nie somber te wees nie.
Hy gebruik tierlantyntjies en tekstuurlae wat die lig laat dartel en smuk met borduurwerk en krale.
Sy inspirasie vir Nederburg is “klassieke Balenciaga met ’n tikkie Boheemsheid uit die jare veertig, en selfs ’n bietjie Eduardiaans daarby.”
Kaartjies (teen R500 per persoon) vir die vertoning die Sondag ten bate van liefdadigheid, is by Computicket te kry.
More
News
|
