Vrywilligers gesoek
2006-02-23
DIE Andrew Murray Sentrum op Wellington soek na vrywillige werkers om hulle te help.
Die sentrum doen weeksdae interkerklike gevangenisbediening so ver as Ceres, Wolseley, Malmesbury, Drakenstein, Paardeberg en Hawequa.
Hier maak hulle gebruik van vrywillige fasiliteerders en ook bestuurders om mense na die verskillende punte te vervoer.
By die sentrum bied hulle Bybelstudieklasse aan, en daar is ook ’n groot behoefte aan ondersteuningspersoneel om te help met al die administratiewe funksies.
Sentrumhoof Christopher Lawrence sê belangstellendes moet daarop let dat daar geen betaling aan verbonde is nie. Daar sal wel gratis opleiding gedoen word.
Belangstellendes kan hom skakel by 082-878-2081 of 873-4380.
More
News
|
