Diewe vinnig vasgevat
2006-02-23
BINNE ’n halfuur nadat ’n sekuriteitswag Maandagnag by Wellington met ’n vuurwapen en ’n byl aangeval is, was twee roofverdagtes agter tralies.
Die wag was alleen by ’n supermark in Abduraghmanlaan, Weltevrede, toe drie mans hom om 02:00 vasgedruk het.
Wellington se misdaadvoorkomingseenheid was onmiddellik op die toneel en het twee van die verdagtes vasgetrek.
Hulle is, soos hul medepligtige wat weggekom het, bekend vir geweldsmisdade.
Speurders en lede van die honde-eenheid het later die nag, nadat inligting ontvang is, op ’n opslaanhuis in Cederbergstraat 15 in die Egoli-woonbuurt toegeslaan.
Agter die geslote deur van die hout- en sinkhuis het die polisie afgekom op die derde verdagte, nog drie makkers, ’n swaar reuk van dagga en Tik, en moontlik gesteelde eiendom.
Insp Kernen Philander soek dringend die eienaar van ’n diabetesmetingtoestel (foto) waarop beslag gelê is.
More
News
|
