Inbreker met mes getakel
2005-04-07
’n TIENERMEISIE het Vrydagoggend ’n aanvaller in haar ouers se plaasopstal net buite Wellington met ’n mes toegetakel.
Volgens ’n polisiewoordvoerder was die meisie (16) alleen by die huis en besig om te bad toe sy glas hoor breek het.
Sy het ’n handdoek om haar geknoop en ’n mes in die kombuis gaan haal voordat sy na die rede vir die geluid gaan soek het.
Sy het op gebreekte glas in die hoofslaapkamer afgekom en opgekyk toe ’n vreemde man in die gang op haar afgestorm kom.
Die meisie het probeer weghardloop, maar toe die man haar inhaal, het sy hom met die mes deur die gesig en oor die arm gesteek.
Die man het omgedraai en deur die gebreekte ruit na veiligheid gespring. Hy is steeds soek.
“Dit is onrusbarend dat die woning met ’n geëlektrifiseerde heining omring is, en die inbreker het steeds kon inkom,” het insp Rhode gesê.
Inligting aan insp Eugene Munni (873-3333).
* A Wellington teenager used a knife to fight off a burglar.
More
News
|
